Oudregter JOHANN KRIEGLER skryf oor Pieter du Toit se nuwe Paul Mashatile-boek, en DAN BADENHORST deel 'n paar gedagtes oor die ope brief van 'n groep Afrikaners wat standpunt inneem teen die MAGA-narratief dat 'n Afrikaner-volksmoord in Suid-Afrika plaasvind.
ANNELIESE BURGESS vertel van haar week by "Mrs Cowley" se gesondheidskliniek en 'n onverwagte emosionele ervaring met tradisionele Chinese terapie wat haar weer laat besef het hoe belangrik dit is om nuuskierig te bly.
Eggo's uit 'n kombuis, Nataniël se briljante stories, Marita se swerfjaar saam met haar Fransman, die komplekse band tussen moeder en dogter, en 'n digbundel met 'klankbane' – dis alles vandag deel van ons leesfees!
ANNELIESE BURGESS dink as haar dogter eendag so oud soos sy is, gaan boeke nie meer bestaan nie. En sy borduur verder aan die gesprek oor God en geloof met insigte van die Ierse digter en filosoof John O'Donohue.
Wanneer jy al van einde Oktober af Kersversierings in die winkels sien glinster, wéét jy mos, sê JOHAN NEL. Dit raak binnekort tyd om tafel te dek vir die Desember-kuiergaste. En MCC te skink – hoe anders? Dan vertel ANNELIESE BURGESS interessante groente is haar nuwe obsessie.
Die Franse praat van ‘n flâneur, ‘n fynproewer van die vervlietende oomblik. GERRIT OLIVIER wil graag die Afrikaanse woord lanterfanter hiervoor laat herleef en dit met nuwe inhoud vul. Vandag se Dilemma is opsetlik voorsetlik.
Ons begin by 'n storm en 'n skeepstragedie in die Baltiese See. Dit lei tot dwarswinde in 'n droom wat ANNELIESE BURGESS in die middel van die nag wakker ruk. Sy wonder wat die befaamde psigoterapeut Irvin Yalom daaroor te sê sou hê?
Eben Etzebeth se sport-outobiografie is ’n moetlees; 'n wolkekrabber van 'n storie, reken KERNEELS BREYTENBACH. Dan is daar die slothoofstuk van JOAN HAMBIDGE se aangrypende vervolgverhaal, met onthullings van die vendetta teen Sonja Vermaak, én ‘n aand in die inryteater buite Bultfontein.
Te midde van die jubeling oor vrygelate Israeli-gyselaars en Palestynse gevangenes lê die grootste gedeelte van Gaza in puin, skryf GERRIT OLIVIER. Die psigologiese verminking sal tot ver in die toekoms duur. Daar is ook weer 'n Dilemma om op te los.
ANNELIESE BURGESS probeer verstaan hoekom godsdiens en politiek mense se koppe soms laat uithaak, en deel allerhande mooi en interessante goed – musiek, 'n helende woudbad, 'n ondergrondse koraalplant, 'n sagte skaapvel vir die bed + 'n gedig en 'n boek.
KERNEELS BREYTENBACH onthul 'n geheime subdepartement van MI6 wat sedert die 1970's die musikale gedrag van denkende wesens monitor. En JOAN HAMBIDGE bevestig dat Sonja Verbeek en Giel Benade 'n match made in heaven is – en dat die foefieslaaid nog werk.
