ANNELIESE BURGESS sê die kriewelrigheid wat ons voel oor Engelse woorde in Afrikaans is 'n soort oorlewingsangs. Sy vertel ook meer van hoogs sensitiewe mense se kenmerke en patats wat klein kremetartbome word.
Op LAUREEN ROSSOUW se radar: die Stilbaai-boekefees, Hemelhuijs-kookboek en Li Edelkoort se trendseminaar op Babylonstoren; JOHAN NEL, pas terug uit Parys, vol stories en nuwe kos-idees.
ALI VAN WYK probeer sin maak van die daaglikse vlae Trump-inligting wat op ons neerstort. Hy het ook sy kop om die situasie in Iran probeer kry en deel sy gedagtes. En 'n paar honderd jaar gelede het 'n knaap 'n stuk musiek by die Vatikaan gesteel – met sy ore.
Die eerste skote van 'n nuwe Koue Oorlog weerklink dalk reeds in die raadsale van die wêreld se pensioenfondse, vrees WILLEM KEMPEN. Daar is oudergewoonte ook 'n Dilemma om op te los.
ANNELIESE BURGESS ontleed die uiters openbare oomblik toe Charlie Kirk se weduwee verklaar dat sy die man vergewe wat haar man vermoor het. Was dit bloot 'n vertoning of 'n uitvloeisel van die komplekse rouproses te midde van geweldige trauma?
Die een oom is vet, die ander een is maer; saam skryf hulle oor misverstande en juiste taalgebruik. GERRIT OLIVIER en KERNEELS BREYTENBACH se vriendskap strek oor meer as 50 jaar, en hulle deel selfs 'n verjaardag. Maar vandag deel hulle meer: Hulle kyk met 'n skerpe blik na digkuns en verdigting.
ALI VAN WYK vertel van 'n staatskool wie se haarreëls vir seuns dieselfde is as vir meisies, terwyl 'n ander een nie so gaaf is nie. Hy gesels ook oor Hector Berlioz, die enigmatiese Franse Romantiese komponis.
