ALI VAN WYK dink die Amerikaners is vermetel om vir Suid-Afrika oor mediavryheid te wil preek. Hy deel ook stories en musiek van die dansende buitestaander Gustav Mahler en besoek drie koel kampeerplekke in die Oos-Kaap.
WILLEM KEMPEN probeer byhou by al die tegno-revolusies wat oor ons pad kom. In vandag se Gaspos kan jy lees oor hoe 'n groep Suid-Afrikaners 'n omstrede regse nuusdiens in Pole help om van Amerikaanse belasting vrygestel te bly.
Kritici en politieke partye herinner Gayton McKenzie graag aan sy misdaadgeskiedenis as 'n gewapende rower, maar hy het 'n selfs meer interessante verlede as dit, skryf PIET CROUCAMP.
Baie mense dink die informele sektor word nie behoorlik in SA se ekonomiese syfers verreken nie, maar dis nie eenvoudige somme om te maak nie. JP LANDMAN kyk hoe mense soos straatverkopers en sjebiens se inkomste wel vasgevang word, en vra vir bykomende maniere van meting.
'n Gedig, 'n tuinbad, 'n lewensles, suksesverhale uit die platteland, 'n song, 'n gesprek, koswenke en boeke – ANNELIESE BURGESS deel 11 goed wat hierdie week deur haar lewe gewandel het.
ALI VAN WYK wonder wie Grapjas Didi was en oor die langtermyn-impak van absurde kindertelevisie. Hy beveel ook agt lekker kykgoed op televisie aan en vier ons nuwe internasionale operasterre.
WILLEM KEMPEN meen ons moenie die babe saam met die badwater uitgooi nie, en wonder oor die nuutste poging om vroulikheid te definieer. IKE BOSS laat waai in sy Gaspos teen die DA se vermetelheid oor wat in die Tuinroete aangaan. Vandag se Dilemma is kort, so probeer bybly.
