Daar is ‘n Suid-Afrika voor 16 Junie en een ná 16 Junie, skryf MAX DU PREEZ. Die ervaring wat hy as natneus-verslaggewer van Beeld 50 jaar gelede ervaar het, toe die polisie op protesterende skoliere in Soweto losgebrand het, was 'n ontsaglike skok vir sy menswees.
PIET CROUCAMP is op 'n werksreis in Namibië en wissel sy tyd af tussen skryf, lees en vreet. Hy ry met 'n vriend se Defender Tdi, mis sy eie Td5 en vertroetel sy TDS.
ANNELIESE BURGESS vertel van 'n besluit om die pap op die vloer te laat val toe 'n familiekrisis haar aandag geverg het. Vandag se brief is ’n gesprek tussen haar en haar jonger broer wat vertel van sy Parkinsonsiekte-diagnose, en die dokter in Pretoria wat hulle geloof in die mensdom herstel het.
In LAUREEN ROSSOUW se inboks: Jazz en films. KERNEELS BREYTENBACH bekyk die kwinte van Sonny Rollins en Miles Davis, die twee jazzgreats. En JOAN HAMBIDGE gesels verder oor haar passie vir twee Italiaanse meesterfilmmakers en hul werk.
Korrupsiestories vlieg oor ons kop omdat dit vervelig en kompleks aangebied word. Ons het beter skrywers nodig! sê ALI VAN WYK. Hy luister ook na Samuel Barber se ongelooflike Adagio vir Strykers, en deel sy seun se elektroniese musieksmaak.
WILLEM KEMPEN was te lui om self te dink oor wat kunsmatige intelligensie vir ons toekoms inhou, en vra toe maar meganiese hulp. Vandag se Dilemma is een groot onsekerheid.
In 'n uittreksel uit MAX DU PREEZ se nuwe boek vertel hy van sy liefde vir Waaipoort, 'n klein plasie buite Rosendal wat hy in 1989 gekoop het. En trek dit deur tot 'n groter verhaal oor grond in Suid-Afrika.
PIET CROUCAMP wonder wat die sin is in Pieter Mulder se worsteling met Suid-Afrika se ‘beste grondwet in die wêreld’. Hy vra of daar nie denkfoute in die ou strydros van konserwatiewe politiek se gedagtegang is nie.
Die lewe het vir ANNELIESE BURGESS teruggespoel na die Wildekus en soms roep die water haar. Sy maak ook melkkos, vertel van 'n BBC-reeks se gesondheidraad en noem vier interessante podsendings waarna sy onlangs geluister het.
