Oorweldig TV-stroomdienste se enorme aanbod jou? ALI VAN WYK help kies. Hy skryf ook oor die hartverskeurende laaste jare van die vermaarde Hongaarse komponis Béla Bartók.
Trump se minagting, onrealistiese eise en dreigemente van die Amerikaanse ambassadeur: is daar enige uitweg uit die dooiepunt tussen SA en die VSA? Die politieke ontleder JP LANDMAN skets drie scenario's – van verdere verswakking tot 'n moontlike joker in die pak: kritieke minerale.
PIET CROUCAMP verwys na Frans Cronjé se vreemde interpretasie van ANC-kiesers se stemgedrag en die onwaarskynlike voordeel wat hy veronderstel dit vir die DA inhou.
'n Ma, haar oogappel en ’n Indiese toilet. ’n Apie in ’n rok met valletjies. En ’n man in Bundi wat skaars kan glo dat AB de Villiers se familie voor hom sit. ELRENA VAN DER SPUY se reisnotas uit Indië oor die kuns om die pot nie heeltemal mis te sit nie.
Te midde van 'n politieke, ekonomiese en maatskaplike chaos en ellende is dit mense soos die hoenderfabriek-bestuurder Lizzy Makichini wat vir ALI VAN WYK moed gee. Hy bekyk ook W.A. Mozart se verknogtheid aan die klarinet.
JOAN VAN ZYL lees ál meer anti-Moslemboodskappe op sosiale media raak. Wat voed dié nuwe vyandigheid, en hoe keer ons dat dit verhoudings in ons land verder vergiftig? WILLEM KEMPEN sit vandag uit, maar het darem weer 'n Dilemma gepleeg.
Wanneer 'n Springbok oor die doellyn druk, vra niemand of hy swart, wit, bruin of Indiër is nie, skryf RODNEY XOLILE NOMBEKANA. Plus: RUDA LANDMAN gesels met JP Landman oor Afrikaners se rol in die land, munisipale geldsake en koalisies.
